Utpatti, Chapter 101उत्पत्ति प्रकरण · सर्ग १०१

श्रीराम उवाच । किमुच्यते मुनिश्रेष्ठ बालकाख्यायिकाक्रमः । क्रमेण कथयैतन्मे मनोवर्णनकारणम् ॥ १ ॥

śrīrāma uvāca | kimucyate muniśreṣṭha bālakākhyāyikākramaḥ | krameṇa kathayaitanme manovarṇanakāraṇam || 1 ||

Sri Rama said: O best of sages, what is this "children's story" method? Tell me about it in order, and the reason it is used to describe the mind.

श्रीराम ने कहा: हे मुनियों में श्रेष्ठ, यह "बच्चों की कहानी" वाली बात क्या है? मुझे यह क्रम से बताइए, और यह भी बताइए कि इससे मन को समझाने का क्या कारण है।

श्रीवसिष्ठ उवाच । कोऽपि मुग्धमतिर्बालो धात्रीं पृच्छति राघव । कांचिद्विनोदिनीं धात्रि वर्णयाख्यायिकामिति ॥ २ ॥

śrīvasiṣṭha uvāca | ko’pi mugdhamatirbālo dhātrīṃ pṛcchati rāghava | kāṃcidvinodinīṃ dhātri varṇayākhyāyikāmiti || 2 ||

Sri Vasishtha said: O Raghava, some innocent-minded child asks his nurse, "Nurse, tell me some fun story."

श्रीवसिष्ठ ने कहा: हे राघव, कोई भोला-सा बच्चा अपनी धाय से पूछता है, "धाय, मुझे कोई मज़ेदार कहानी सुनाओ।"

सा बालस्य विनोदाय धात्री तस्य महामते । आख्यायिकां कथयति प्रसन्नमधुराक्षरम् ॥ ३ ॥

sā bālasya vinodāya dhātrī tasya mahāmate | ākhyāyikāṃ kathayati prasannamadhurākṣaram || 3 ||

That nurse, O great sage, tells the child a story for his amusement, in clear, sweet words.

वह धाय, हे महान बुद्धि वाले, बच्चे के मनोरंजन के लिए उसे मीठे और साफ़ शब्दों में एक कहानी सुनाती है।

क्वचित्सन्ति महात्मानो राजपुत्रास्त्रयः शुभाः । धार्मिकाः शौर्यमुदिता अत्यन्तासति पत्तने ॥ ४ ॥

kvacitsanti mahātmāno rājaputrāstrayaḥ śubhāḥ | dhārmikāḥ śauryamuditā atyantāsati pattane || 4 ||

Once there were three noble young princes, good and brave, in a city that never existed at all.

एक बार तीन भले और बहादुर राजकुमार थे, धर्म का पालन करने वाले, ऐसे नगर में जो कभी था ही नहीं।

विस्तीर्णे शून्यनगरे व्योम्नीव जलतारकाः । द्वौ न जातौ तथैकस्तु गर्भ एव न संस्थितः ॥ ५ ॥

vistīrṇe śūnyanagare vyomnīva jalatārakāḥ | dvau na jātau tathaikastu garbha eva na saṃsthitaḥ || 5 ||

In that vast, empty city - like stars reflected in the sky's water - two of the princes were never born, and the third was not even conceived in the womb.

उस बड़े और सुनसान नगर में - जैसे आकाश के पानी में तारे दिखते हैं - दो राजकुमार तो जन्मे ही नहीं थे, और तीसरा तो गर्भ में भी नहीं आया था।

अथात्युत्तमलाभार्थं कदाचित्समवायतः । विबन्धवः खिन्नमुखाः शोकोपहतचेतसः ॥ ६ ॥

athātyuttamalābhārthaṃ kadācitsamavāyataḥ | vibandhavaḥ khinnamukhāḥ śokopahatacetasaḥ || 6 ||

Then once, wanting some very great gain, they gathered together. They had no kinsmen, their faces were sad, and their minds were struck with grief.

फिर एक बार, किसी बहुत बड़े लाभ के लिए, वे साथ हुए। उनका कोई रिश्तेदार नहीं था, उनके चेहरे उदास थे, और उनका मन दुख से भरा था।

ते तस्माच्छून्यनगरान्निर्गता वितताननाः । गगनादिव संश्लिष्टा बुधशुक्रशनैश्चराः ॥ ७ ॥

te tasmācchūnyanagarān nirgatā vitatānanāḥ | gaganādiva saṃśliṣṭā budhaśukraśanaiścarāḥ || 7 ||

They left that empty city, their faces drawn with sorrow, huddled close together like Mercury, Venus, and Saturn pressed together in the sky.

वे उस सुनसान नगर से निकले, उनके चेहरे दुख से खिंचे हुए थे, और वे बुध, शुक्र और शनि की तरह आकाश में एक-दूसरे से सटे हुए चल रहे थे।

शिरीषसुकुमाराङ्गाः पृष्ठतोऽर्केण तापिताः । मार्गेऽहनि गता ग्रीष्मतापार्ताः पल्लवा इव ॥ ८ ॥

śirīṣasukumārāṅgāḥ pṛṣṭhato'rkeṇa tāpitāḥ | mārge'hani gatā grīṣmatāpārtāḥ pallavā iva || 8 ||

Their bodies were as delicate as shirisha flowers, and the sun burned their backs. They walked the road by day, suffering like tender leaves scorched by summer heat.

उनके शरीर शिरीष के फूल जैसे कोमल थे, और सूरज उनकी पीठ जला रहा था। वे दिन में रास्ते पर चलते रहे, गर्मी से झुलसी हुई कोमल पत्तियों की तरह तकलीफ़ में।

संतप्तमार्गसिकतादग्धपादसरोरुहाः । हा तात चेति शोचन्तो मृगा यूथच्युता इव ॥ ९ ॥

saṃtaptamārgasikatādagdhapādasaroruhāḥ | hā tāta ceti śocanto mṛgā yūthacyutā iva || 9 ||

Their feet, soft as lotuses, were burned by the hot sand of the road. Crying "Oh Father!", they grieved like deer that had fallen away from the herd.

उनके कमल जैसे कोमल पैर रास्ते की गरम रेत से जल गए। "हाय पिता!" कहकर रोते हुए, वे झुंड से बिछड़े हिरनों की तरह दुखी थे।

दर्भाग्रभिन्नचरणास्तापखिन्नाङ्गसंधयः । उल्लङ्घ्य दूरमध्वानं धूलिधूसरमूर्तयः ॥ १० ॥

darbhāgrabhinnacaraṇāstāpakhinnāṅgasandhayaḥ | ullaṅghya dūramadhvānaṃ dhūlidhūsaramūrtayaḥ || 10 ||

The sharp tips of grass cut their feet, and the joints of their bodies ached from the heat. They crossed a long stretch of road, their bodies grey with dust.

घास की नोकों से उनके पैर कट गए, और गर्मी से उनके शरीर के जोड़ थक गए थे। लंबा रास्ता पार करके, उनके शरीर धूल से धूसर हो गए थे।

मञ्जरीजालजटिलं फलपल्लवमालितम् । मृगपक्षिगणाधारं प्रापुर्मार्गे तरुत्रयम् ॥ ११ ॥

mañjarījālajaṭilaṃ phalapallavamālitam | mṛgapakṣigaṇādhāraṃ prāpurmārge tarutrayam || 11 ||

On the road they came to three trees, thick with clusters of buds, covered with fruit and leaves, giving shelter to deer and birds.

रास्ते में उन्हें तीन पेड़ मिले, जो कलियों के गुच्छों से घने थे, फलों और पत्तियों से लदे थे, और हिरनों तथा पक्षियों को सहारा देते थे।

यस्मिन्वृक्षत्रये वृक्षौ द्वौ न जातौ मनागपि । बीजमेव तृतीयस्य स्वारोहस्य न विद्यते ॥ १२ ॥

yasminvṛkṣatraye vṛkṣau dvau na jātau manāgapi | bījameva tṛtīyasya svārohasya na vidyate || 12 ||

Of these three trees, two had not grown even a little, and for the third there was not even a seed from which it could grow.

इन तीन पेड़ों में से दो तो थोड़े भी नहीं उगे थे, और तीसरे के लिए तो उगने का बीज भी नहीं था।

विश्रान्तास्ते परिश्रान्तास्तत्रैकस्य तरोरधः । पारिजाततले स्वर्गे शक्रानिलयमा इव ॥ १३ ॥

viśrāntāste pariśrāntāstatraikasya taroradhaḥ | pārijātatalaḥ svarge śakrānilayamā iva || 13 ||

Tired and worn out, they rested there under one of the trees, beneath the parijata tree, like Indra's attendants resting in heaven.

थके-हारे, वे वहाँ एक पेड़ के नीचे आराम करने लगे, पारिजात पेड़ के नीचे, जैसे स्वर्ग में इंद्र के सेवक आराम करते हैं।

फलान्यमृतकल्पानि भुक्त्वा पीत्वा च तद्रसम् । कृत्वा गुलुच्छकैर्मालां चिरं विश्रम्य ते ययुः ॥ १४ ॥

phalānyamṛtakalpāni bhuktvā pītvā ca tadrāsam | kṛtvā gulucchakairmālāṃ ciraṃ viśramya te yayuḥ || 14 ||

They ate fruits like nectar and drank their juice. They made a garland from the clusters, rested a long time, and then went on.

उन्होंने अमृत जैसे फल खाए और उनका रस पिया। गुच्छों से माला बनाई, बहुत देर आराम किया, फिर आगे बढ़ गए।

पुनर्दूरतरं गत्वा मध्याह्ने समुपस्थिते । सरित्त्रितयमासेदुस्तरङ्गतरलारवम् ॥ १५ ॥

punardūrataraṃ gatvā madhyāhne samupasthite | sarittritayamāsedustaraṅgataralāravam || 15 ||

Going farther still, when midday came, they reached three rivers whose waves made a rippling sound.

और दूर जाकर, जब दोपहर हो गई, उन्हें तीन नदियाँ मिलीं जिनकी लहरों से हल्की सी आवाज़ आ रही थी।

तत्रैका परिशुष्कैव मनागप्यम्बु न द्वयोः। विद्यते सरितोर्दृष्टिरन्धलोचनयोरिव ॥ १६ ॥

tatraikā pariśuṣkaiva manāgapyambu na dvayoḥ| vidyate saritordṛṣṭirandhalocanayoriva || 16 ||

Of these, one river was completely dry, and in the other two there was not even a little water to be seen, like sight in the eyes of two blind men.

उनमें से एक नदी पूरी तरह सूखी थी, और बाकी दो में थोड़ा भी पानी नहीं दिख रहा था, जैसे दो अंधों की आँखों में कुछ नहीं दिखता।

परिशुष्का भृशं यासौ तस्यां ते सस्नुरादृताः। घर्मार्ता इव गङ्गायां ब्रह्मविष्णुहरा इव ॥ १७ ॥

pariśuṣkā bhṛśaṃ yāsau tasyāṃ te sasnurādṛtāḥ| gharmārtā iva gaṅgāyāṃ brahmaviṣṇuharā iva || 17 ||

In the one river that was completely dry, they bathed with great care, like Brahma, Vishnu, and Shiva bathing in the Ganga when tired by heat.

जो नदी बिल्कुल सूखी थी, उसी में उन्होंने आदर के साथ स्नान किया, जैसे गर्मी से परेशान ब्रह्मा, विष्णु और शिव गंगा में स्नान करते हैं।

चिरं कृत्वा जलक्रीडां पीत्वा क्षीरोपमं पयः। जग्मुस्ते राजतनयाः प्रहृष्टमनसः स्वयम् ॥ १८ ॥

ciraṃ kṛtvā jalakrīḍāṃ pītvā kṣīropamaṃ payaḥ| jagmuste rājatanayāḥ prahṛṣṭamanasaḥ svayam || 18 ||

After playing in the water a long time and drinking water like milk, the princes went on, their minds full of joy.

बहुत देर तक पानी में खेलकर और दूध जैसा पानी पीकर, वे राजकुमार खुद खुशी से आगे बढ़ गए।

अथासेदुर्दिनस्यान्ते लम्बमाने दिवाकरे। भविष्यन्नवनिर्माणं नगरं नगसन्निभम् ॥ १९ ॥

athāsedurdinasyaante lambamāne divākare| bhaviṣyannavanirmāṇaṃ nagaraṃ nagasannibham || 19 ||

Then, at the end of the day, when the sun hung low, they reached a city that was still to be built, one that looked like a mountain.

फिर दिन के अंत में, जब सूरज नीचे झुक गया, वे एक ऐसे नगर में पहुँचे जो अभी बनना बाकी था, और पहाड़ जैसा दिखता था।

पताकापद्मिनीव्याप्तं नीलाकाशजलाशयम्। दूरश्रुतसमुल्लापगायन्नागरमण्डलम् ॥ २० ॥

patākāpadminīvyāptaṃ nīlākāśajalāśayam| dūraśrutasamullāpagāyannāgaramaṇḍalam || 20 ||

It was covered with flags like lotuses on a pond, its water tanks the colour of the blue sky, and the whole city sang with talk heard from far away.

वह झंडों से ऐसे भरा था जैसे तालाब कमलों से भरा हो, उसके जलाशय आकाश जैसे नीले थे, और पूरा नगर दूर से सुनाई देती बातों से गूँज रहा था।

ददृशुस्तत्र रम्याणि त्रीणि सद्भवनानि ते । मणिकाञ्चनगेहानि श्रृङ्गाणीव महागिरेः ॥ २१ ॥

dadṛśustatra ramyāṇi trīṇi sadbhavanāni te | maṇikāñcanagehāni śṛṅgāṇīva mahāgireḥ || 21 ||

There they saw three beautiful, fine houses, made of jewels and gold, like the peaks of a great mountain.

वहाँ उन्होंने तीन सुंदर, बढ़िया घर देखे, जो रत्नों और सोने से बने थे, जैसे किसी बड़े पहाड़ की चोटियाँ।

अनिर्मिते द्वे सदने एकं निर्भित्ति तत्र वै । अभित्तिमन्दिरं चारु प्रविष्टास्ते नरास्त्रयः ॥ २२ ॥

anirmitē dvē sadanē ekaṃ nirbhitti tatra vai | abhittimandiraṃ cāru praviṣṭāstē narāstrayaḥ || 22 ||

Two of these houses were not built, and one had no walls at all. The three men went into that beautiful house without walls.

इनमें से दो घर बने ही नहीं थे, और एक घर की तो दीवारें ही नहीं थीं। तीनों उस सुंदर बिना-दीवार वाले घर में घुस गए।

संप्रविश्योपविश्याशु विहरन्तो वराननाः । प्रापुः स्थालीत्रयं तत्र तप्तकाञ्चनकल्पितम् ॥ २३ ॥

saṃpraviśyopaviśyāśu viharantō varānanāḥ | prāpuḥ sthālītrayaṃ tatra taptakāñcanakalpitam || 23 ||

Going inside and sitting down quickly, the fair-faced princes played about, and found three vessels there, made of heated gold.

अंदर जाकर जल्दी से बैठकर, वे सुंदर चेहरे वाले राजकुमार खेलने लगे, और उन्हें वहाँ तीन बर्तन मिले, जो तपे हुए सोने के बने थे।

तत्र कर्परतां याते द्वे एका चूर्णतां गता । जगृहुश्चूर्णरूपां तां स्थालीं ते दीर्घबुद्धयः ॥ २४ ॥

tatra karpuratāṃ yātē dvē ekā cūrṇatāṃ gatā | jagṛhuścūrṇarūpāṃ tāṃ sthālīṃ tē dīrghabuddhayaḥ || 24 ||

There, two of the vessels broke into shards, and one turned to powder. Those wise princes picked up the vessel that had turned to powder.

उनमें से दो बर्तन टूटकर ठीकरे बन गए, और एक चूर्ण बन गया। उन बुद्धिमान राजकुमारों ने वह बर्तन उठाया जो चूर्ण बन गया था।

द्रोणैर्नवनवत्या तैस्तस्यां द्रोणेन चान्धसः । तत्र द्रोणशतं हीनं रन्धितं बहुभोजिभिः ॥ २५ ॥

drōṇairnavanavatyā tais tasyāṃ drōṇena cāndhasaḥ | tatra drōṇaśataṃ hīnaṃ randhitaṃ bahubhojibhiḥ || 25 ||

With those ninety-nine dronas, and one more drona of grain besides, a hundred dronas short by one were cooked there by the big eaters.

उन निन्यानबे द्रोणों से, और उसके साथ एक द्रोण अनाज से, वहाँ सौ द्रोण में से एक कम अनाज बड़े खाने वालों ने पकाया।

निमन्त्रितास्त्रयस्तैस्तु ब्राह्मणा राजसूनुभिः । द्वौ निर्देहावथैकस्य मुखमेव न विद्यते ॥ २६ ॥

nimantritāstrayastais tu brāhmaṇā rājasūnubhiḥ | dvau nirdehāvathaikasya mukhameva na vidyate || 26 ||

Three brahmins were invited there by those king's sons. Two of them had no body, and the third had no mouth at all.

उन राजकुमारों ने वहाँ तीन ब्राह्मणों को बुलाया। उनमें से दो का शरीर नहीं था, और तीसरे का मुँह ही नहीं था।

निर्मुखेनान्धसस्तत्र भुक्तं द्रोणशतं सुत । विप्रभुक्तावशेषं तु भुक्तमन्धो नृपात्मजैः ॥ २७ ॥

nirmukhenāndhasastatra bhuktam droṇaśataṃ suta | viprabhukta avaśeṣaṃ tu bhuktamandho nṛpātmajaiḥ || 27 ||

O son, the mouthless one ate a hundred dronas of that food there. And the food left over after the brahmin ate was eaten by the king's sons.

हे पुत्र, मुँह-रहित ने वहाँ सौ द्रोण अनाज खाया। और ब्राह्मण के खाने के बाद जो अनाज बचा, वह राजकुमारों ने खाया।

त्रिभिस्ते राजपुत्राश्च परां निर्वृतिमागताः । भविष्यन्नगरे तस्मिन् राजपुत्रास्त्रयो हि ते । सुखमद्य स्थिताः पुत्र मृगयाव्यवहारिणः ॥ २८ ॥

tribhiste rājaputrāśca parāṃ nirvṛtimāgatāḥ | bhaviṣyannagare tasmin rājaputrāstrayo hi te | sukhamadya sthitāḥ putra mṛgayāvyavahāriṇaḥ || 28 ||

By those three brahmins the king's sons reached supreme contentment. In that Future City, those same three king's sons are living happily today, O son, busy with hunting.

उन तीनों ब्राह्मणों से राजकुमारों को परम संतोष मिला। उस भविष्य-नगर में वे तीनों राजकुमार आज भी सुखपूर्वक शिकार में लगे रह रहे हैं, हे पुत्र।

आख्यायिकैषा कथिता मया रम्या तवानघ । एतां हृदि कुरु प्राज्ञ विदग्धस्त्वं भविष्यसि ॥ २९ ॥

ākhyāyikeṣā kathitā mayā ramyā tavānagha | etāṃ hṛdi kuru prājña vidagdhas tvaṃ bhaviṣyasi || 29 ||

O sinless one, this charming story has been told by me to you. Keep it in your heart, O wise one; you will become clever.

हे निष्पाप, यह सुंदर कहानी मैंने तुम्हें सुनाई है। हे बुद्धिमान, इसे अपने हृदय में रखो, तुम चतुर बन जाओगे।

धात्र्येति कथिता राम बालकाख्यायिका शुभा । तुष्टिं जगाम बालश्च शुभाख्यायिकयानया ॥ ३० ॥

dhātryeti kathitā rāma bālakākhyāyikā śubhā | tuṣṭiṃ jagāma bālaśca śubhākhyāyikayānayā || 30 ||

O Rama, thus the nurse told this good children's story, and the child became satisfied by this good story.

हे राम, इस तरह धाय ने यह अच्छी बच्चों की कहानी सुनाई, और इस अच्छी कहानी से बालक संतुष्ट हो गया।

एषा हि कथिता राम चित्ताख्यानकथां प्रति। बालकाख्यायिका तुभ्यं मया कमललोचन ॥ ३१ ॥

eṣā hi kathitā rāma cittākhyānakathāṃ prati| bālakākhyāyikā tubhyaṃ mayā kamalalocana || 31 ||

O Rama, lotus-eyed one, this children's story has been told by me to you for the sake of the story about the mind.

हे कमल-नयन राम, मैंने मन की कथा के लिए ही तुम्हें यह बच्चों की कहानी सुनाई है।

इयं संसाररचना स्थितिमेवमुपागता। बालकाख्यायिकेवोग्रैः संकल्पैर्दृढकल्पितैः ॥ ३२ ॥

iyam saṃsāraracanā sthitimevamupāgatā| bālakākhyāyikevograiḥ saṃkalpairdṛḍhakalpitaiḥ || 32 ||

This structure of the world has come to stand in just this way, like a children's story, built firm by strong, forceful thoughts.

इसी तरह यह संसार की रचना बनी है, जैसे बच्चों की कहानी, प्रबल और दृढ़ संकल्पों से गढ़ी हुई।

विकल्पजालकैवेयं प्रतिभासात्मिकानघ। बन्धमोक्षादिकलनारूपेण परिजृम्भते ॥ ३३ ॥

vikalpajālakaiveyaṃ pratibhāsātmikānagha| bandhamokṣādikalanārūpeṇa parijṛmbhate || 33 ||

O sinless one, this is nothing but a net of thoughts, made only of appearance. It unfolds in the form of things like bondage and freedom.

हे निष्पाप, यह केवल विचारों का जाल है, जो केवल दिखावा है। यह बंधन और मुक्ति जैसी चीज़ों के रूप में फैलता है।

संकल्पमात्रादितरद्विद्यते नेह किंचन। संकल्पवशतः किंचिन्न किंचित्किंचिदेव वा ॥ ३४ ॥

saṃkalpamātrāditardvidyate neha kiṃcana| saṃkalpavaśataḥ kiṃcinn na kiṃcitkiṃcideva vā || 34 ||

Nothing else at all exists here besides thought alone. By the power of thought, a thing is something, or it is nothing, or it is only some little thing.

यहाँ संकल्प के सिवा और कुछ भी नहीं है। संकल्प के वश से कोई चीज़ कुछ है, कुछ नहीं है, या बस थोड़ी-सी कुछ है।

द्यौः क्षमा वायुराकाशं पर्वताः सरितो दिशः। संकल्पकचितं सर्वमेवं स्वप्नवदात्मनः ॥ ३५ ॥

dyauḥ kṣamā vāyurākāśaṃ parvatāḥ sarito diśaḥ| saṃkalpakacitaṃ sarvamevaṃ svapnavadātmanaḥ || 35 ||

Sky, earth, wind, space, mountains, rivers, and directions — all this is built of thought alone, of the self, just like a dream.

आकाश, पृथ्वी, वायु, अंतरिक्ष, पर्वत, नदियाँ और दिशाएँ - यह सब आत्मा के संकल्प से बना है, बिल्कुल सपने की तरह।

राजपुत्रास्त्रयो नद्यो भविष्यन्नगरे यथा । यथा संकल्परचना तथेयं हि जगत्स्थितिः ॥ ३६ ॥

rājaputrāstrayo nadyo bhaviṣyannagare yathā | yathā saṃkalparacanā tatheyaṃ hi jagatsthitiḥ || 36 ||

Just as the three king's sons were rivers in the Future City, formed only by thought, so indeed is this state of the world.

जैसे उस भविष्य-नगर में तीनों राजकुमार नदियाँ थे, जो केवल संकल्प से बने थे, वैसे ही यह संसार की स्थिति है।

संकल्पमात्रमभितः परिस्फुरति चञ्चलः । पयोमात्रात्मकोऽम्भोधिरम्भसीवात्मनात्मनि ॥ ३७ ॥

saṃkalpamātramabhitaḥ parisphurati cañcalaḥ | payomātrātmako'mbhodhirambhasīvātmanātmani || 37 ||

Mere thought alone trembles restlessly on every side, like an ocean made only of water, shaking by itself within itself, in the water.

केवल संकल्प ही चंचल होकर चारों ओर काँपता है, जैसे केवल जल से बना समुद्र, अपने आप में, पानी के भीतर, स्वयं काँपता है।

संकल्पमात्रं प्रथममुत्थितं परमात्मनः । तदिदं स्फारतां यातं व्यापारैर्दिवसं यथा ॥ ३८ ॥

saṃkalpamātraṃ prathamamutthitaṃ paramātmanaḥ | tadidaṃ sphāratāṃ yātaṃ vyāpārairdivasaṃ yathā || 38 ||

Mere thought first arose from the supreme self. This same thought has now grown wide through its workings, like the day.

सबसे पहले परमात्मा से केवल संकल्प उठा। वही संकल्प अब अपने कामों से फैलकर बड़ा हो गया है, जैसे दिन काम-काज से फैल जाता है।

संकल्पजालकलनैव जगत्समग्रं संकल्पमेव ननु विद्धि विलासचेत्यम् । संकल्पमात्रमलमुत्सृज निर्विकल्पमाश्रित्य निश्चयमवाप्नुहि राम शान्तिम् ॥ ३९ ॥

saṃkalpajālakalanaiva jagatsamagraṃ saṃkalpameva nanu viddhi vilāsacetyam | saṃkalpamātramalamutsṛja nirvikalpamāśritya niścayamavāpnuhi rāma śāntim || 39 ||

The whole world is nothing but the working of a net of thought. Know for certain that it is only thought, a thing seen in play. Enough of it — give up mere thought. Take refuge in the thought-free, and, O Rama, with certainty reach peace.

यह सारा संसार केवल संकल्प के जाल का खेल है। निश्चय जानो कि यह केवल संकल्प है, खेल में दिखने वाली एक वस्तु है। बस करो - संकल्प को छोड़ दो। हे राम, संकल्प-रहित का सहारा लेकर निश्चय से शांति पाओ।